சாகர அலை

கருத்துக்களையும் சிந்தனைகளையும் குறித்து வைக்க சாகரன் எழுதும் வலை பதிப்'பூ'!

Sunday, September 19, 2004

IIS One View

வெப்சர்வர்களிலேயே கடியான ஒரு சர்வர் என்றால் அது மைக்ரோசாப்ட் ஐ.ஐ.எஸ்(IIS) ஆகத்தான் இருக்கும் என்று தோன்றுகிறது.

அடிக்கடி ஏதாவது ஒரு பிரச்சனை. என்னவென்று கண்டுபிடிக்கவும் முடியாது. ரொம்பவும் படுத்திவிடும்.

எனக்குத் தெரிந்து இங்குள்ள இரண்டு சர்வர்களில் உள்ள பிரச்சனை, வருடக்கணக்காக இன்னமும் தீர்க்க முடியாமலேயே இருக்கிறது. ஒன்றில் இண்டக்ஸ் சர்வர் ஓடவில்லை. எத்தனை தடவை மானுவலாக போர்ஸ் பண்ணினாலும், ஏதோ ஓடுவது போல பாவ்லா காட்டிவிட்டு அப்புறம் நின்று விடும்.

இரண்டு, ஏ.எஸ்.பி(ASP) ப்ராப்ளம். டைம் டு டைம் திடீரென்று ஏ.எஸ்.பி கான்பிகரேசன்ஸ் காணாகப் போய்விடும். என்ன ரீசன் என்றே தெரியாது. மறுபடி சும்மா விண்டோஸ் டைரக்டரியில் செக்யூரிடி பக்கத்தை ஒரு பார்வை (வெறும் பார்வை மட்டுமே) பார்த்துவிட்டு ஒ.கே சொன்னால் போது உடனடியாக சரியாகிவிடுகிறது. அது ஓடும் இன்னுமொரு 20 நாட்கள்.

என்ன காரணம் என்று யாராலும் கண்டுபிடிக்க முடியவில்லை...

இதெல்லாம் இரண்டு வருடங்களாக இருந்து வரும் பிரச்சனைகள்தான் என்றாலும்,
இரண்டு நாட்களாக நான் படும் பாடுதான் கடி..

vignette என்றொரு பிராடக்ட். Content Management Server. அந்த சாப்ட்வேர் முழுக்க முழுக்க எங்கள் டீமில் இருக்கிறது. அதன் அப்கிரேடு விசயமாக போனவாரக்கடைசியிலிருந்து சிந்தித்துக்கொண்டிருக்கிறேன். பல தடவை இன்ஸ்டால் செய்தாலும், முழு சிஸ்டமும் படுத்து விடும் அளவிற்கு ரொம்ப நேரம் ஹாங் ஆகிறது. அப்புறம் தான் கண்டிபிடித்தேன், IIS உடன் இணைப்பதற்கு முன்பு இது ஒகே. நல்ல வேகமாகவே கூட இருக்கிறது. ஆனால் இணைத்தவுடன் அவுட்.

IIS-ல் பிராப்ளம் என்றால் அவ்வளவு சீக்கிரம் கண்டுபிடித்துவிட முடியுமா என்ன? ஏதோ சில ISAPI DLL -ல்கள் படுத்தும் பாடு...

அந்த சர்வரை தூக்கி ஒரு ஓரமா வச்சிட்டு, அடுத்ததில் உள்ள வெப் சர்வருடன் லிங்க் கொடுத்த பிறகுதான் இன்ஸ்டலேசன் ஒரு முடிவுக்கு வந்தது!

இப்பவும் எனக்கு இந்த IIS- ஐப் பார்த்தால் நற.. நற என்று தான் இருக்கிறது :-)

posted by சாகரன் @ 9/19/2004 01:55:00 PM

3 Comments:

At 1:22 PM, Anonymous said…

(19.9.2004) நவன் பகவதி said...

//IIS-ல் பிராப்ளம் என்றால் அவ்வளவு சீக்கிரம் கண்டுபிடித்துவிட முடியுமா என்ன? ஏதோ சில ISAPI DLL -ல்கள் படுத்தும் பாடு... //

:)) Welcome to the world of Windows of IIS. :))
At 10:49 AM, Anonymous said…

(20.9.2004) said...

வின்யெட் வேலை செய்யவேண்டுமென்றால் ஏதோ ஒரு வெப்சர்வர் இருந்தால் போதுமல்லவா? அப்படியானால் நீங்கள் ஏன் மைக்ரோசாப்ட் விண்டோஸ் இயங்குதளத்தில், அபாச்சி வெப்சர்வரைப் பயன்படுத்தக் கூடாது?
At 11:05 AM, Anonymous said…

(20.9.2004) சாகரன் said...

அதில்தான் பிரச்சனையே...
இங்கு எங்கள் அலுவலகத்தில் IIS தான் அபிசியல் வெப் சர்வர்...